ଆନ୍ତର୍ଜାତୀୟ ତୃତୀୟଲିଙ୍ଗି ଦିବସ

ରାଜ୍ୟରେ ତୃତୀୟଲିଙ୍ଗି ୱେଲଫେୟାର ବୋର୍ଡ଼ ଗଠନ କରାଯାଉ-ପ୍ରତାପ ସାହୁ, ପୂର୍ବତନ ଅଧ୍ୟକ୍ଷ

ଭୁବନେଶ୍ୱର, ୩୦.୩. : ମାର୍ଚ୍ଚ ୩୧ ତାରିଖ ଆନ୍ତର୍ଜାତୀୟ ତୃତୀୟଲିଙ୍ଗି ଦିବସ । ଏହି ଦିବସ
ସାରା ବିଶ୍ୱରେ ପାଳନ ହେଉଥିବା ବେଳେ ଭାରତରେ କେନ୍ଦ୍ର ଓ ରାଜ୍ୟ ସରକାର ପ୍ରତ୍ୟେକ ଜିଲ୍ଲା ବା
ରାଜ୍ୟରେ ଧୁମ୍ଧାମ୍ରେ ପାଳନ କରୁଛନ୍ତି । କିନ୍ତୁ ବଡ଼ ଦୁଃଖର ବିଷୟ ଭାରତର ହାତଗଣତି
କେତୋଟି ରାଜ୍ୟକୁ ଛାଡ଼ିଦେଲେ ଅନ୍ୟ କୌଣସି ରାଜ୍ୟରେ ତୃତୀୟଲିଙ୍ଗି ୱେଲଫେୟାର
ବୋର୍ଡ଼ ଗଠନ କରାଯାଇ ନାହିଁ । ଓଡ଼ିଶାରେ ମଧ୍ୟ କିନ୍ନରମାନଙ୍କ ପାଇଁ କୌଣସି ପ୍ରକାର
କାର୍ଯ୍ୟକ୍ରମ କରାଯାଇ ନାହିଁ । ତୃତୀୟଲିଙ୍ଗିମାନଙ୍କ ପାଇଁ ପୂର୍ବ ସରକାର ଏକ ରାଜ୍ୟସ୍ତରୀୟ
ପ୍ରତିନିଧି କମିଟି ଗଠନ କରିଥିଲେ । କିନ୍ତୁ ଏହି କମିଟିରେ କିନ୍ନରମାନଙ୍କ ପାଇଁ
କିଛିମାତ୍ରାରେ କାମ ହୋଇଥିବା ବେଳେ ପରବର୍ତ୍ତୀ ସମୟରେ ତାହା କୌଣସି କାର୍ଯ୍ୟ
ହୋଇପାରିଲା ନାହିଁ । ତେଣୁ ଓଡ଼ିଶାରେ ତୃତୀୟଲିଙ୍ଗି ୱେଲଫେୟାର ବୋର୍ଡ଼ ଗଠନ କରିବା
ପାଇଁ କମିଟିର ପୂର୍ବତନ ଅଧ୍ୟକ୍ଷ ଶ୍ରୀ ପ୍ରତାପ କୁମାର ସାହୁ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ
ମୋହନ ଚରଣ ମାଝୀ, ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ଶ୍ରୀଯୁକ୍ତ ନିତ୍ୟାନନ୍ଦ ଗଣ୍ଡ ଏବଂ
ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନଙ୍କୁ ଏକ ଚିଠି ମାଧ୍ୟମରେ ଅନୁରୋଧ କରିଛନ୍ତି ।
ଶ୍ରୀଯୁକ୍ତ ସାହୁ ଦର୍ଶାଇଛନ୍ତି ଯେ, ମାନ୍ୟବର ସୁପ୍ରିମକୋର୍ଟ କିନ୍ନରମାନଙ୍କୁ
ତୃତୀୟଲିଙ୍ଗୀର ମାନ୍ୟତା ଦେବା, ସେମାନଙ୍କୁ ବିଭିନ୍ନ ପ୍ରକାର ସୁବିଧା ସୁଯୋଗ ଦେବା ପାଇଁ
ପ୍ରତ୍ୟେକ ରାଜ୍ୟକୁ ନିଦେ୍ର୍ଦଶ ଦେଇଛନ୍ତି । ଓଡ଼ିଶାରେ ପାଖାପାଖି ୨୦ ହଜାରରୁ ଉଦ୍ଧ୍ୱର୍
କିନ୍ନର ଥିବାବେଳେ ସେମାନଙ୍କ ପାଇଁ କୌଣସି ପ୍ରକାର ଉନ୍ନତିମୂଳକ କାର୍ଯ୍ୟ ହୋଇପାରି
ନାହିଁ । ବରଂ ସେମାନେ ଅନେକ ସମୟରେ ଟାହି ଟାପରାର ସମ୍ମୁଖୀନ ହେଉଛନ୍ତି । ଫଳରେ ଏହି
କିନ୍ନରମାନେ ଏବେ ବିଭିନ୍ନ ପ୍ରକାର ଅସୁବିଧାର ସମ୍ମୁଖୀନ ହେଉଛନ୍ତି ଏବଂ ସମାଜରୁ ବାହାରି
ଆସି ରେଲ୍ୱେ ଷ୍ଟେସନ, ଫୁଟ୍ପାଥରେ ରହୁଛନ୍ତି । ଅନେକ ସମୟରେ ସେମାନେ ଅସାମାଜିକ
ଲୋକମାନଙ୍କର ମଧ୍ୟ ଶିକାର ହେଉଛନ୍ତି । ସେମାନଙ୍କ ପାଇଁ ଆଖି ଦୃଶିଆ ସୁବିଧା ସୁଯୋଗ
ନଥିବାରୁ ସେମାନେ ମୁଖ୍ୟସ୍ରୋତରେ ସାମିଲ୍ ହୋଇପାରୁ ନାହାଁନ୍ତି ।
କେନ୍ଦ୍ର ସରକାର ଅମ୍ବ୍ରେଲା ଯୋଜନା ମାଧ୍ୟମରେ କିନ୍ନରମାନଙ୍କ ଉତ୍ଥାନ ପାଇଁ ହାତ ବଢାଇଥିବା
ବେଳେ ପୂର୍ବ ସରକାର ତାହା ଠିକ ଭାବରେ ପରି·ଳନା କରିପାରିଲେ ନାହିଁ । ତେଣୁ କିନ୍ନର
ୱେଲଫେୟାର ବୋର୍ଡ଼ ଗଠନ କରିବା, ଓଡ଼ିଶାରେ ଥିବା କିନ୍ନରମାନେ ଭୂମିହୀନ
ହୋଇଥିବାରୁ ସେମାନଙ୍କୁ ସ୍ଥାୟୀ ଜମିପଟ୍ଟା ଯୋଗାଇଦେବା, ସମସ୍ତ କିନ୍ନରମାନଙ୍କୁ
ଅନ୍ନପୂର୍ଣ୍ଣା ଯୋଜନାରେ ସାମିଲ୍ କରିବା ଓ ଭତ୍ତା ପ୍ରଦାନ କରିବା, କିନ୍ନରମାନଙ୍କ ପାଇଁ
ପ୍ରତ୍ୟେକ ରାଜନୈତିକ କ୍ଷେତ୍ରରେ / ସରକାରୀ ଓ ବେସରକାରୀ ·କିରି କ୍ଷେତ୍ରରେ ୫ ପ୍ରତିଶତ ସ୍ଥାନ
ସଂରକ୍ଷଣ କରିବା ଏବଂ କିନ୍ନରମାନଙ୍କ ପାଇଁ ସ୍ୱତନ୍ତ୍ର ପରିଶ୍ରାଗାର ନିର୍ମାଣ କରିବା, ପ୍ରତ୍ୟେକ
ସରକାରୀ ଓ ବେସରକାରୀ ବସ୍ଗୁଡ଼ିକରେ ସିଟ୍ ସଂରକ୍ଷଣ କରିବା ଆଦି ୫ ଦଫା ଦାବିକୁ ରାଜ୍ୟ
ସରକା ପୂରଣ କଲେ ଓଡ଼ିଶାରେ ଥିବା କିନ୍ନରସମାଜ ସମାଜର ମୁଖ୍ୟସ୍ରୋତରେ ସାମିଲ୍
ହୋଇପାରିବେ ବୋଲି ଶ୍ରୀଯୁକ୍ତ ସାହୁ ସରକାରଙ୍କୁ ନିବେଦନ କରିଛନ୍ତି ।