ଇକୋର୍ସା ମଞ୍ଚେଶ୍ୱର ଦ୍ୱାରା ଆନ୍ତ-ସପ ଭଲିବଲ୍ ଟୁର୍ନାମେଣ୍ଟ:
ଇଷ୍ଟକୋଷ୍ଟ ରେଲୱେ ସ୍ପୋର୍ଟସ ଆସୋସିଏସନ (ଇକୋର୍ସା)/ ମଞ୍ଚେଶ୍ୱର ସଵାରୀ ଡ଼ବା ମରାମତି କାରଖାନା / ମଞ୍ଚେଶ୍ୱର ଦ୍ୱାରା 9 ଏବଂ 10 ଡିସେମ୍ବର 2024 ରେ ମଞ୍ଚେଶ୍ୱରର ଚାଇଲ୍ଡ ପାର୍କରେ ଏହାର କର୍ମଚାରୀଙ୍କ ମଧ୍ୟରେ ଇଣ୍ଟର-ସପ ଭଲିବଲ ଟୁର୍ନାମେଣ୍ଟ ଆୟୋଜନ ହୋଇଯାଇଅଛି | ଶେଷ ଦିନରେ ମହିଳା କର୍ମଚାରୀଙ୍କ ପାଇଁ ଏକ ଥ୍ରୋ ବଲ୍ ମ୍ୟାଚ୍ ମଧ୍ୟ ଆୟୋଜିତ ହୋଇଥିଲା | ଯେକୌଣସି ବୟସରେ ବ୍ୟାୟାମର ଉତ୍ତମ ଲାଭକୁ ଉତ୍ସାହିତ କରିବା ପାଇଁ 45 ବର୍ଷରୁ ଅଧିକ ପୁରୁଷ ଏବଂ ମହିଳାଙ୍କ ପାଇଁ ଏକ ଦୌଡ-କୁଦ ପ୍ରତିଯୋଗିତା ମଧ୍ୟ ଆୟୋଜିତ ହୋଇଥିଲା | ଫାଇନାଲ ମ୍ୟାଚର ମୁଖ୍ୟ ଅତିଥି ତଥା ମୁଖ୍ୟ ୱାର୍କସପ ପ୍ରବନ୍ଧକ ଓ ମଞ୍ଚେଶ୍ୱର ଇକୋର୍ସାର ଅଧ୍ୟକ୍ଷ ଶ୍ରୀ ଅମିତ ସିହ୍ନା ପ୍ରତିଯୋଗିତାରେ ଅଂଶଗ୍ରହଣ କରିଥିବା କର୍ମଚାରୀଙ୍କ ପାଇଁ ଭାଗିଦାରୀ ପାଇଁ ଖୁସି ବ୍ୟକ୍ତ କରିଛନ୍ତି ଏବଂ କହିଛନ୍ତି ଯେ ଖେଳ ଖେଳିବା ଆମର ଜୀବନଶୈଳୀ ହେବା ଉଚିତ୍ | ଆମର ଦୈନନ୍ଦିନ ଜୀବନରେ କ୍ରୀଡା ଅନ୍ତର୍ଭୁକ୍ତ କରିବା ଉଚିତ୍ | ସମସ୍ତ କର୍ମଚାରୀ ଏହି ଟୁର୍ନାମେଣ୍ଟରେ ଉତ୍ସାହର ସହିତ ଅଂଶଗ୍ରହଣ କରିଥିଲେ | ଉପମୁଖ୍ୟ ଭଣ୍ଡାର ପ୍ରବନ୍ଧକ ଶ୍ରୀ ରମେଶ ଏବଂ କ୍ରୀଡ଼ା ଅଧିକାରୀ, ଇକୋର୍ସା / ମଞ୍ଚେଶ୍ୱର ଶ୍ରୀ ଏସ.ଭି.କେ କିରଣ କୁମାର ଏହି ପ୍ରତିଯୋଗିତା ଗୁଡିକୁ ପରିଚାଳନା କରିଥିବାବେଳେ ସମସ୍ତ ବିଭାଗୀୟ ଅଧିକାରୀ ମ୍ୟାଚ ସମୟରେ ଉପସ୍ଥିତ ଥିଲେ | କର୍ମଶାଳା ସହାୟତା କର୍ମଚାରୀ (WSS) ଟିମ୍ ଫାଇନାଲ୍ ମ୍ୟାଚ୍ରେ ବିଜୟୀ ହୋଇଥିଲା |
